病

上星期三其實已開始feel到有d鼻水作感冒，但食左對上一次醫生開左食剩嘅藥，又好似冇乜事，所以就冇睇醫生。

點知之後幾日反反覆覆，時好時壞，但諗住繼續keep住食藥應該會慢慢好，星期六果日去整月餅直頭好似冇晒事，開籠雀咁，點知一踏入禮拜日就出事。

今朝一起身已知唔對路，成身熱辣辣，小v一摸我額頭就同我講我發燒，今日邊度都唔駛去，除左發燒，仲有一樣嘢係攪到我好辛苦的，就係個喉嚨前所未有咁痛，吞口水都痛，更唔好講食嘢，唯有向現實低頭，死去睇醫生。

結果阿醫生照完我喉嚨，少有地畀番鏡我自己照，我自己一睇都嚇左一跳，好嘔心，爛晒咁，醫生話我扁桃線發炎，所以爛晒，叫我要帶番口罩，因為扁桃線發炎係可以傳染的，食藥食抗生素好好休息一日，唉，又少左一日做嘢了。