玩具就只有玩，不可以是投資？

好多人都覺得玩玩具的人，都很小朋友，很宅，毒男，電車，我卻不認為。

現今很多玩具，由價錢上去睇，已經非一個沒有收入來源嘅小朋友可以負擔，再由玩具嘅結構去睇，現今玩具嘅複雜程度，根本亦非一般小朋友能夠去應付去玩，所以玩具在我眼中，是分為兩類，真正給小朋友玩的，和是給成年人玩的。小弟所收藏嘅當然係後者。

小弟一直對Transformers變形金剛情有獨鍾就眾所週知，玩了＂老變＂幾年，對於老變那種千變萬化，就如其他人玩扭計骰一樣，都係要用腦去玩的，不然一下子唔小心，啪一聲就化為烏有，呢個亦都係老變吸引到很多成年玩家其中一個重要原因。

正正因為呢個原因，小弟覺得玩＂老變＂除左玩，其實亦係一種投資。（如果大家屋企仲有校到亞視頻道嘅話早幾個星期嘅金錢世界就有講呢個主題。。。雖然我都知依家都應該冇咩人會睇呢個台。。。）其實用玩具作為投資已經唔係一朝一夕嘅事，如果大家有留意，依家市面上出現咗一d專賣舊玩具嘅舖頭，入面賣嘅講緊好多都係一d大家似曾相識，十幾廿年前大家玩過嘅舊玩具，不過你會發現個價錢比當時所賣的係幾何級數咁上，尤其係連包裝保存良好的，呢D價錢更加可以以10至20倍咁上，好得人驚。

其實投資玩具，和其他投資如股票，基金，樓市一樣，都係要講求眼光，入市出貨時間也要看得準確，不然都係一樣，會變蟹貨，但如果眼光準，隨時一件小小數百元嘅玩具都可以為你賺取一少桶金。

玩具嘅種類款式實在太多，大家熟悉如高達，聖鬥士星矢，甚至係近年hit爆嘅hottoys12吋figure，都係依家很多玩家/收藏家買來自玩or投資嘅選擇，而小弟就喜歡都屬熱門之一嘅Transformers，所以也只有對佢有足夠嘅投資研究。

至於純作投資，有邊d款式會身價暴漲，呢d真係純粹講個人眼光同感覺，好難一概而論，但早幾個月前，我同一班＂老變＂同好坐埋一齊傾開就發現左一個現象，呢個現象雖然未得以証實100%每個case都會成功，但我覺得都真係可以值得參考。

我地發覺嘅現象好簡單，只要符合4個條件，果件＂老變＂就能由最低價入，最高價出貨。
呢4個條件就係：
1. 大而無當－顧名思義，就係件嘢一定要有咁大得咁大，原價亦本身偏貴。
2. 古靈精怪－無論顏色，模，變身，第一眼睇到你覺得完全唔開胃，冇意慾會出手。
3. 被批死貨－其實就係條件2引申出來，覺得冇人會買，最後會淪為死貨。
4. 跳樓價－就係以上3個條件都出現時最終出現嘅結果，當有一日，各大百貨公司/或少本經營之細舖，都用一個前所未有嘅低價（講緊係會以原價低幾倍嘅價錢）去賣。
當以上4個條件都符合之時，亦係出手入貨之時...講多無謂，搵d切切實實嘅例子畀大家參考吓。

呢隻係09年嘅產物，係TF2出過嘅角色破壞者，有睇過當年電影嘅人，我諗如果唔係我話你知呢隻嘢就係佢，好多人都唔會認得，冇錯，呢隻嘢真係出得奇醜，原價冇記錯係過千的，但變死貨之時，$3xx都冇人要，如果當時眼光準，依家執幾個開。
http://hk.f1.page.auctions.yahoo.com/hk/auction/b23268501
http://hk.f1.page.auctions.yahoo.com/hk/auction/b23093248

呢隻都係09年嘅產物，都係TF2時嘅歹角麥加登，由於呢隻嘢當時好多人覺得佢隻左手好似小兒麻痺咁而為之卻步，當年舊幾水都係冇人要...依家...
http://hk.f1.page.auctions.yahoo.com/hk/auction/b23277616

綜合以上觀點，我地都認為現在在市場上以下呢隻都符合4個條件，值得少少地投資一吓，就係佢，龍年特別版終極級柯柏文。

小弟都入左隻黎試水，就即管睇吓以上嘅推論可唔可以令我賺番一筆。