識得我嘅好多朋友都知，我有一對煮嘢食可以煮到出神入化，直頭可以開舖做生意嘅雙親，佢地真係好利害，我可以講係去到神級領域，有我嘅朋友食完佢地嘅手勢，曾開聲話如果呢d食物唔能夠俾到廣大嘅香港市民品嘗係對於廣大市民嘅一種損失，話只要我雙親同意，佢打本開舖，我老豆阿媽做大廚開私房菜...我果陣的確有同佢地提議過，但佢地以年時以高為由turn down咗...所以呢樣嘢我都冇提幾年。
直到尋晚，佢地再次因為人地請佢地去出面食泰菜，食完個泰式柚子沙律番來又心有不甘覺得如果佢地整一定好食好多，於是又照住個沙律，自己記低要咩材料，再加入佢地嘅思維，首次在自己屋企整左個泰式柚子沙律，我食完次後，又令我對於一定要跟佢地學番整幾味呢樣嘢再次有番個念頭。
昨晚的柚子沙律
再自創這個泰式蝦干沙律
過往佢地亦都自家製很多菜式，都係以我地最喜愛嘅口味為主。
泰式冬陰公，對於佢地來講是小兒科
四川的麻辣土豆絲，麻辣手撕雞，涼伴雞絲粉皮，
我地外賣畀佢地食話好食，佢地食過一次就話呢d唔難，
可以自家製，服！
麻辣涼伴粉皮
呢d潮州凍蟹，炒蜆對於身為潮州人黎講，easy job！
以下呢個我更加可以用恐佈來形容我老豆，就係大中華其中一樣最出名嘅名菜－臘味煲仔飯，我帶佢去食一次...佢話呢個好食，但自己整一d都唔難，話過幾日整畀我食，過左幾日，我見到實物，再加埋品嘗過，我話同大中華果個唔同，係好食過佢！多料過佢！
上圖呢個就係我地去大中華嘅時候留影的
呢個就係出自我老豆的....我睇相就唔識分啦....
所以話，咁好嘅烹飪技術，我係咪一定要的起心肝認認真真去學，而得以流傳呢...
